जाडो मौसममा खाना खाने तरिका
जाडो महिना भएका कारण जाडोमा शरीरबाट थकान र आलस्य भगाउन र स्फुर्ती र उर्जा जगाउन कस्तो खाना कसरी खाने भन्ने कुरा यहाँ जानकारी दिइएको छः
बिहानः
बिहानको खानाले दिनभर उर्जा दिने भएका कारण बिहान आडिलो खाना खानुपर्छ । खासगरी अन्डाका साथै रोटी र एक गिलास दुध खान बिर्सनु हुँदैन । सँगसँगै भेजिटेबल सलाद पनि खानामा हुनु राम्रो मानिन्छ ।
दिउँसोः
दिउँसोको खानामा हरियो सागसब्जी, ताजा दही, दालभात र तातोतातो झोल खानुपर्छ । यसमा हरियो सब्जीको अचारले विभिन्न भिटामिनको कमी पूरा गर्छ ।
रातिः
जाडो मौसममा रातिको खाना सकभर चाँडो खाने बानी गर्नु राम्रो हुन्छ । रातिको खाना दिउँसोको भन्दा केही हलुका हुन जरुरी हुन्छ । सुत्नुभन्दा कम्तीमा पनि चार घन्टाअघि खाना खाइयो भने खाना राम्रोसँग पच्छ । सुत्नुअघि एक गिलास तातो दूध भने अवश्य पिउनुहोस् ।